الساوردو او العجين المخمر

الساوردو او العجين المخمر ..
روح في برطان زجاجي💛
في البدايةو قبل مانتكلم عن التخمير الطبيعي وطريقة عمل الخميرة وندخل في الجد 🙃اسمحولي اتكلم بعفوية واحساس شوية بعيدا عن التفاعلات الكيميائية ’ لأن أول لما نبدا نعمل الخميرة بتبدأ بينا و بينها علاقة عاطفية قوية…علاقة حب … بنحبها وبنخاف عليها ….يعني بنتعامل معاها على إنها كائن حي ” وهي فعلا كده, كائن حي بتحتاج لرعاية وعناية وإهتمام ,كتير من الصبر والحب و كمان تغذية سليمة وبيئة متوازنة….. يمكن تقولوا إني ببالغ لكن حقيقي سبحان الله لما نستخدم مكونات يسيطة جدا زي (الماء والدقيق) وبتكنيك بسيط يبدأ البرطان الزجاجي الصغير يمتلئ بفقاعات الحياة….

ومش هكون ببالغ ابدا في وصفي وإحساسي لما أقولكم إن لما نبدا خطوات عمل الخميرة الطبيعية وتراقبوا يوم ورا يوم تطورها وتفاعلها ,هتحسوا بمشاعر متاقضة من الامل , البهجة , الدهشة , الحب ,المسوؤلية…والترقب….تشبه إلى حد كبير مشاعر ترقب مولود جديد مش بس كده إنتي كمان هتختاري ليها إسم كمان 😍 وينتقل الاهتمام والهوس للبيت كله بعد ما عرفوا حالتك وقصتك مع البرطمان الي بقى فرد جديد في العيلة …. ويمكن هههههه يحسوا بالغيرة شوية ….عشان تحصلي على خميرة خميرة طبيعية صحية …نشطة, قوية وسعيدة ….

كل يوم …ترقب.
كل يوم…أمل
فرد جديد فى العيلة إسمها (سعادة)
بنهتم بيها ..ونرعاها بحب وهي تدينا خبز دافئ وذكريات لاتنسى…..

الخميرة _الطبيعية

ساوردو

sourdoughbaking

WE_RISE_TOGRTHER